Mu itangazo ryashyizwe ahagaragara n’umuvugizi wa guverineri w’intara ya Kivu y’amjyaruguru Lt col Ndjike Kaiko yagaragaje ko mu ijoro ryo ku wa 09 rishyira kuwa 10 ukwakira 2023 umutwe w’inyeshyamba wa M23 wishe abaturage ba Kisigari muri teritwari ya Rutshuru .
Muri iri tangazo avuga ko FARD imenyesha amahanga ko umutwe w’iterabwoba wa M23/RDF wakoreye abaturage ubwicanyi bo muri Kisigari bitwaje ko abo baturage bakorana na Wazalendo, abakunda igihugu, rikomeza rivuga ko ubwo bwicanyi bwakozwe nk’ubwakozwe i Kishishe.
Iri tangazo rikomeza rivuga ko hashingiwe kumakuru FARDC ifite ko abaturage bishwe barindwi muribo ari abakuru b’imidugudu.
FARDC yakomeje guhamagarira ingabo z’akarere k’iburasirazuba n’itsinda ry’ubugenzuzi bwa EAC gushyiraho komisiyo y’igihe gito maze ikagaragaza neza ubwicanyi bwakozwe ko ari ibyaha byibasiye inyoko muntu.
Twabibutsa ko igihe cyose hagize umuturage wicwa m’uburasirazuba bwa congo buri ruhande rushinja urundi kuba arirwo rwakoze ubwo bwicanyi.
Mucumbitsi Obed
