Ikigo k’ikiguhu gishinzwe ingufu na gaz cyatangaje ko kimaze guhuza amashanyaraza atangwa na gaz methane icukurwa mu kiyaga cya kivu n’amashanyarazi aturuka k’umuyoboro mugari.
Iki kigo cyavuze irihuzwa rituma haterwa indi ntambwe igana ku masoko atandukanye kandi ahendutse y’amashanyarazi hifashishijwe gaz iri munsi mu Kiyaga cya Kivu.
Uruganda rwa methane rwahujwe mu gihe igihugu cyafunze inganda zose zikoreshwa na mazutu, zari zihenze cyane mu masooko yose y’ingufu.
Nubwo byatinze kubera ibibazo by’icyorezo cya Covid-19 byagombaga gukemurwa mbere yo guhuzwa n’umuyoboro w’igihugu, uru ruganda rwa miliyoni 400 z’amadolari ya Amerika, ruyobowe na Shema Power Lake Kivu (SPLK), kuri ubu rutanga megawatt 37.5.
Mu ntangiriro za 2024, uruganda ruherereye ku nkombe z’Ikiyaga cya Kivu mu karere ka Rubavu ruzaba rutanga MW 56 nk’uko ubuyobozi bwarwo bubitangaza.
Uruganda rwa methane rwa SPLK rwatangiye kubyaza gaz amashanyarazi bwa mbere muri Werurwe 2023, rukora MW 14, ziyongereye zikagera kuri MW 37.5 muri uku Kwakira.
Umuyobozi wa SPLK, Alex Kabuto, yatangarije New Times ati: “Muri Gashyantare 2024, uruganda rwacu ruzatanga MW 56 zose.”
Kabuto yavuze ko nirumara kuzura neza, uruganda rwa SPLK ruzaba rufite ubushobozi bwo gutunganya MW 68 MW, MW 50 zinjizwa mu muyoboro w’igihugu ako kanya.
Ati: “Kugeza ubu, kandi dukurikije amasezerano dufitanye na Guverinoma y’u Rwanda, tuzatanga MW 56. Ariko niba guverinoma na REG basabye ingufu zisumbuyeho, twiteguye gutanga MW 68.”
Kugeza ubu, u Rwanda rufite ubushobozi bwo gutunganya amashanyarazi angana na MW 332.6 avuye mu nganda zitandukanye, nk’uko bitangazwa n’Ikigo cy’igihugu gishinzwe ingufu (REG).
Hifashishijwe ikoranabuhanga ry’ibisekuru bivanze, 51 ku ijana by’ayo mashanyarazi biva mu masoko y’ubushyuhe, bikurikirwa n’ava ku mazi (43,9 ku ijana) n’atangwa n’izuba 4.2%.
Mu kubyaza umusaruro gaz yo mu Kivu, u Rwanda rushobora kubona ingufu zihendutse kandi rukagabanya ibyago by’iturika rya gaz methane ishobora guhitana abantu, abahanga bavuga ko bagera mu bihumbi magana, niba atari za miliyoni, batuye hafi y’ikiyaga hagati ya Repubulika ya Demokarasi ya Congo n’u Rwanda.
Mucunguzi obed
