Umwana witwa Iradukunda Aliane w’imyaka ibiri n’igice yasanzwe m’urugo rw’umuturanki w’iwabo yishwe, nyuma yo ku mushakisha ijoro ryose bakamubura, bakaza ku musanga mu nzu y’uyu muntu.
Ni ibintu byagaragaye mu masaha ya saa moya n’igice yo kuri uyu wa gatatu taliki 11 Ukwakira 2023, ubwo basangaga uyu Iradukunda Aliane mu nzu y’umuturanyi wabo yapfuye.
Ni mu karere ka Musanze,mu murenge wa shingiro, mu kagari ka Gakingo mu Mudugudu wa Mutuzo niho hatuye umuryango wa nyakwigendera.Uyu mwana ni uwa Irankunda Eriezeri na Musabeyezu Aline
Aliane yabuze ahagana mu ma saa kumi n’ebyiri n’igice cyo kumugoroba, aboneka mu gitondo aho yasanzwe mu rugo rw’umuturanyi, Nyiraruvugo Olive w’imyaka 43,bamusanze mu nzu ye yapfuye.
Bikaba bikewa ko yaba yishwe n’uyu Nyiraruvugo Olive ndetse afatanyije n’umuhungu we, Ndayishimiye Eric w’imyaka 16,aho bivugwa ko mu mbuga yo kwa Nyiraruvugo hari hacukuye umwobo, bikekwako wari uwo gushyinguramo uwo mwana.
Biravugwa Kandi ko aba bakekwaho kwica uyu mwana , basanzwe Ari abajura kuko ngo bari bamaze iminsi bafatiwe na se wa nyakwigendera ,bahita bamuhigira , akaba ariyo mpamvu nyamukuru yaba yateye urupfu ry’uyu mwana.
Aba bakekwaho ubu bugizi bwa nabi babagejeje ku biro by’Akagari ka Gakingo, mu gihe hategerejwe polisi yo kubajyana ngo hakomeze iperereza, umurambo w’umwana wo uracyari mu mbuga kwa Nyiraruvugo, mu gihe hagitegerejwe urwego rw’ubugenzacyaha RIB.
Nyiraruvugo Olive w’imyaka 43 wasanganywe umurambo w’uyu mwana
Niyonkuru Florentine
