Ibitero byaramutse bigabwa ku birindiro bya M23 biri mu Bwiza na Kichanga n’umusaruro w’ibyavuye mu nama yari imaze iminsi 2 ibera muri Hotel Nyira yahuje Wazalendo,FDLR na FARDC.
Mu mujyi wa Goma hari hamaze iminsi hateraniye inama yahuzaga abakuru b’imitwe ya Wazalendo ,FDLR na FARDC muri Hotel Nyira, iyi nama ikaba yari yitabiriwe na Guverineri w’intara y’amajyaruguru Gen.Maj Peter chirumwami, Abayobozi ba Regima harimo Col.Tokolonga, Col.Niyibizi, ku ruhande rwa FDLR yari ihagarariwe na Col.Ruvugayimikore Ruhinda ndetse n’abayobozi b’imitwe ya Wazalendo bari bahagarariwe na Gen.Guidon Shimirayi.
Ibyibanzweho n’uburyo ingabo za Leta FARDC zikomeje gutakaza ibirindiro byinsh I muri Kibumba na Masisi,ndetse n’uburyo aba Wazalendo babuze ibiribwa n’ibikoresho mu ntambara ku buryo n’abakomerekeye ku rugamba nbadafite uko bavuzwa ibi byose bikaba byaratanze umusaruro muke mu bikorwa bya gisilikare.
Gen.Guidon yashinje bamwe mu bayobozi ba FARDC kuba batita ku barwanyi ba Wazalendo ndetse ko hari n’ibikoresho Leta ya Congo yagiye itanga bikagurishwa na FARDC,aha bagarutse ku bijyanye n’itoneshwa aho usanga abarwanyi ba FDLR aribo baba bafite agaciro ku rugamba ,kurushya abanyekongo ibi bikaba bica intege abarwanyi bo mu matsinda ya Wazalendo.
Mu myanzuro yafashwe harimo gukosora amakosa,abarwanyi bose bagafatwa kimwe n’abandi ndetse ,iyi mitwe ya Mai Mai igahabwa ibikoresho,mu bindi byari byemejwe no kubyutsa ibitero bigamije kwisubiza Kichanga ,Bwiza na Kibumba hakoreshejwe imbaraga zose,ibi bikaba byaje bishumangirwa n’ibitero byabyukiye k’umuryango wa M23.
Aha rero inzozi z’ibyavuye mu nama ntizabaye impamo kuko ingabo za Leta zakomye rutenderi zikamburwa n’utundi duce zagenzuraga,ubwo twandikaga iyi nkuru amakuru ava k’umurongo w’urugamba arahamya ko inyeshyamba za M23 ,zimaze gufata agace ka Kicwa Wazalendo n’ingabo za leta bakaba bari guhungira ahitwa Kagusa,mushobora gukurikira andi makuru k’umurongo wacu wa youtube:Rwandatribune.tv aho mubyunva mu nkuru irambuye.
Mwizerwa Ally
