Abasirikare bo mu Ngabo za Repubulika ya Demokarasi ya Congo (FARDC), bakomeje kwiyunga k’umutwe w’inyeshyamba wa M23, aho k’umunsi w’ejo undi mu musirikare ufite ipeti rya Lt Colonel witwa Kanefu Mutambira Isaac, ( Lt Colonel Kanefu Mutambira Isaac) yitandukanije na FARDC maze yiyunga n’umutwe wa M23 urwanya Leta ya Congo .
Uyu musirikare yakoreraga muri Teritwari ya Masisi, mu Ntara ya Kivu y’Amajyaruguru. Uyu mu musirikare y’itandukanije n’ingabo za Congo, mu gihe FARDC baheruka kwica umusirikare uvuka mu bwoko bw’Abatutsi, Captain Kabongo Rukatura, wiciwe mu Mujyi wa Goma bamuziza ubwoko bwe.
Mu mwaka wa 2002, uyu Lt Col Isaac Kanefu, yabaye mu basirikare bavuga rikijana, bo mu mutwe w’ingabo wari wariyomoye kuri RDC Goma, wari ufite icyicaro gikuru mu Bibogobogo, muri Teritwari ya Fizi, mu Ntara ya Kivu y’Amajyepfo.
Lt Col Isaac Kanefu, avuka mu bice bya gurupoma ya Bijombo, mu misozi miremire y’Imulenge, mu Ntara ya Kivu y’Amajyepfo, yahoze mu mutwe w’inyeshamba wa RCD Goma.
Adeline Uwineza
Rwantribune.Com
