Mu gitondo cyo kuri uyu wa 20 Ugushyingo 2023 ,inkongi y’umuriro yibasiye inyubako ya gare ya Musanze igice gisanzwe gikoreramo radio ya gare , iyi nkongi biravugwa ko yaba yatewe na Gaze yakoreshwaga na Resitora iri muri ako gace.
Iyi nyubako igizwe n’igorofa ry’imiryango irenga 25 ikaba yafashwe n’inkongi ihereye ahakorera Resitora werekeza kuri Radiyo ya Gare.
Nk’uko bitangazwa n’abari bari muri ibyo bice bavuga ko Gaze yakoreshwaga mu gikoni ariyo ishobora kuba yaturitse bigateza iyi nkongi.
Nyuma Gato y’uko iyi nkongi itangiye kwangiza iyi nyubako n’ibiyirimo , police yihutiye gutabara ngo iyo nkongi ibe yazimywa hatarangirika ibiruseho.
RIB yakomeje iperereza kugirango harebwe impamvu nyamukuru yaba yateye iyo nkongi y’umuriro.
Niyonkuru Florentine
