Col.Ruhinda arashyingurwa i Shovu muri Teritwari ya Nyiragongo

Col Ruhinda uherutse guhitanwa n’igisasu yatezwe mu buriri agiye gushyingurwa i Shovu, mu birindiro bye, Gen.Nyembo na Gen.Gakwerere nibo bayoboye imihango yo gushyingura Nyakwigendera

Isoko y’amakuru ya Rwandatribune iri I Shovu, ivuga ko umurambo wa Col.Ruhinda wagejejwe mu birindiro bya Gen.Omega mu masaha ya saa sayine z’ijoro  aho umurambo wavanywe mu bitaro bya Hill Africa.

Mbere y’uko umurambo usohorwa mu bitaro habaye umuhango wo gusezera kuri Nyakwigendera wayobowe na Gen.Maj Peter Cirumwami usanzwe ari Guverineri w’intara ya Kivu y’amajyaruguru ndetse n’abo mu nzego z’ubutasi bwa Congo ANR.

Biteganyijwe ko Col.Ruhinda ashyingurwa uyu munsi kuwa 04 Ukuboza mu birindiro bye biri  I Shove ahitwa ku Mwembe, ikindi Rwandatribune yamenye ni uko abasilikare bagera kuri 20 babanaga nawe bose batawe muri yombi.

Icyakora n’ubwo bimeze gutyo biravugwa ko Jenerali Omega yaba ariwe wahitanye Koloneri Runda, amuziza ko yaba yari agiye kwinjira mu mutwe mushya wavutse witwa FRD.

Uwineza Adeline

Rwandatribune.com