Lieutenant General, Philémon Irung ,Komanda wa Operasiyo Socola ya 2 yahawe inshingano zo kwirukana M23 mu mujyi wa Bunagana yatawe muri yombi n’igisirikare cya Repubulika iharanira Demokarasi ya Congo akurikiranweho ubugambanyi.
Ikinyamakuru Infos.net cyandikirwa muri Repubulika iharanira Demokarasi ya Congo cyatangaje ko Gen Irung yatawe muri yombi muri iki gitondo cyo kuwa 20 Nzeri 2022.
Gen Irunga ngo yafashwe n’abasirikare barinda Umukuru w’Igihugu aho bikekwa ko yajyanwe muri Gereza ya Makala , mu gice cyayo cya 8 gifungirwamo abahoze mu nzengo nkuru z’umutekano muri Repubulika iharanira De,mokarasi ya Congo.
Nubwo FARDC itaratangaza icyatumye Gen Irung afungwa , Isoko y’amakuru ya Rwandatribune yamenye ko akurikiranweho ubugambanyi bwo kurwego rwo hejuru. Bihwihwiswa ko Gen Irunga yagiye ganira kenshi na Gen Sultan Makenga wa M23 waje no kumusobanurira impamvu yatangije urugamba rwafatiwemo umujyi wa Bunagana, Ibi ngo bikaba bishobora kuba ariyo mpamvu Gen Irung yatawe muri yombi agashinjwa ubugambanyi.
Lieutenant General Philemon Yav Irung yagizwe Komanda wa Operasiyo za Gisirikare muri Kivu y’Amajyaruguru, Socola 2 asimbuye Gen Maj Cirumwami Peter wari umaze kwamburwa izi nshingano.
Mbere y’uko ahabwa uyu mwanya, Lt Gen Irung yari asanzwe akuriye Akarere (Region) ka 3 k’ingabo za Repubulika iharanira Demokarasi ya Congo.
