Itsinda ry’ingabo z’u Rwanda ryifatanyije na bagenzi babo bo mu bihugu bisaga 23, mu myitozo ya gisirikare.
Iyi myitozo yiswe Justified Accord 24 iri kubera mu kigo gishinzwe ibikorwa bya gisirikare no kurwanya iterabwoba (NANYUKI Basic Counter Insurgency, Terrorism, and Stability Operations,CITSO) muri Kenya.
Iyi myitozo irimo gukorwa kuva tariki 25 Gashyantare kugera tariki 07 Werurwe 2024, itegurwa n’Igisirikare cya Leta zunze Ubumwe za Amerika(USA), gikorera mu Burayi bw’Amajyepfo (SETAF-AF).
Iyi myitozo igamije gutegura guhangana n’imvururu zatera muri aka Karere u Rwanda ruherereyemo, hamwe no kwerekana ubushobozi mu gihe bari mu butumwa bw’amahoro, ndetse no gukora ubutabazi.
