Nyuma y’ifatwa rya Nyanzale muri iki gitondo umutwe wa M23 wigaruriye umujyi wa Kirima wafatwaga nk’indiri ya FDLR
Isoko ya Rwandatribune iri mu gace ka Gikuku yemeje ayo makuru ,ivuga ko kuva mu rukerera rwo kuri uyu wa gatatu taliki ya 06 Werurwe 2024 ,hunvikanye urusaku rw’amasasu n’ibibunda biremereye aho abarwanyi ba FDLR bari bahanganye n’umutwe wa M23.
Umwe mu barwanyi ba FDLR bari iKibirizi yahamarije isoko ya Rwandatribune ko kugera mu masaha ya saa mbiri abarwanyi ba M23 bari bamaze kwigarurira agace ka Kirima,gusa ntiyatangaje abiciwe muri iyo mirwano.
Ifatwa rya Kirima risobanuye iki?
Umwe mu ba basesenguzi mu by’umutekano wahoze muri FDLR yavuze ko ubusanzwe,ako gace ari isangano ry’imihanda ijya mutanda,Nyanzale,Kibirizi,Gikuku na Cyagara ibi bikaba biha amahirwe umutwe wa M23 kwigarurira agace gakize ku mabuye y’agaciro ka SOMIKIVU ndetse no gutimbura umutwe wa FDLR usanzwe ufite imirima myinshi ihingwa y’ahitwa Gihondo n’ahandi.
Ifatwa rya Kirima kandi rije ryiyongera kw’ifatwa rya Nyanzale aho benshi mu baturage bari barahunze imirwano batangiye gutahuka ,basubira mu byabo kuko basanze batagifitiye Leta icyizere cyo gustinda iyi ntambara cyane ko Nyanzale kari agace gakomeye mu buryo bw’amayeri y’urugamba kuri FARDC.
Mwizerwa Ally
