Umuvugizi wa FDLR avuga ko Lt.Gen Byiringiro atari umuntu wakwicirwa mu mujyi wa Nyanzale kuko FDLR itaba mu mijyi yibera mu ishyamba.
Mu kiganiro yagiranye na VOA dukeshya iyi nkuru Cure Ngoma Umuvugizi wa FDLR yateye utwatsi abavuga ko Gen.Byiringiro yishwe.
Asubiza Umunyamakuru Venuste Nshimiyimana yagize ati: “Rwose Umuyobozi wa FDLR ni muzima nta kibazo afite cyane ko hariya Nyanzare bavuga yiciwe ari mu mujyi kandi bo bakaba badatuye mu mijyi.”
Uyu Muvugizi kandi yashimangiye ko umutwe wa FDLR uvugira wifuza gutaha mu Rwanda wemye.
N’ubwo Cure Ngoma avuga atyo abakurikiranira hafi ibya Lt.Gen Byiringiro Victor bavuga ko n’ubwo akiraho n’ubundi ameze nk’uwapfuye ahagaze cyane ko nta kamaro agifitiye umutwe wa FDLR kubera indwara z’ubusaza aho agenda ahetswe mu ngobyi, uyu mutwe ukaba ugendera ku bitekerezo bya Gen.Maj Busogo usanzwe ari Komiseri ushinzwe ingabo.
Uwineza Adeline
Rwandatribune.com
