Perezida wa Repubulika y’u Rwanda Paul Kagame akaba n’Umugaba mukuru w’Ingabo z’u Rwanda yazamuye mu Ntera Maj Gen Innocent Kabandana amuha ipeti rya Lieutenant General.
General Kabandana azamuwe mu ntera nyuma y’iminsi mike ashoje ubutumwa yari yashinzwe bwo kuyobora ingabo z’u Rwanda ziri mu butumwa bwo kurwanya iterabwoba muri Mozambique.
Mu butumwa bwo kurwanya iterabwoba muri Mozambique ,Maj Gen Kabandana Innocent yari yungirijwe Brig Gen Muhizi Pascal wari ushinzwe kuyobora urugamba (Operation Commanders).
Aba baje gusimburwa n’abayoboye ingabo muri uyu mwaka wa kabiri. Guhera muri Nzeri 2022 Umuyobozi Mukuru w’Ingabo ni Gen Maj Eugene Nkubito mu gihe Umuyobozi w’urugamba ari Brig Gen Frank Mutembe.
Mu yindi mirimo yakoze mu gisirikare cy’u Rwanda, Gen Kabandana yayoboye umutwe udasanzwe mu ngabo z’u Rwanda(Special Forces Commanders).
