Perezida wa Kenya William Ruto yaraye atangaje ko agiye kuganira byumwihariko n’ ibihumbi n’ibihumbi by’ Urubyiruko ruri gukora imyigaragambyo yo kwamagana itegeko rigenga amafranga Leta ya Kenya izakoresha nka ’Finance bill 2024′ aho hagiye kuzamurwa imisoro n’amahoro ku bintu nkenerwa.
Ibi yabitangaje ku musi w’ejo tariki 23 Kamena 2024 ubwo yari yagiye gusenga mu rusengero rwa Nyahururu Church aho yari yagiye gusengera.
Perezida William Ruto ubwo yari kuri uru rusengero rwa Nyahururu Church mu mwanya muto yagiye kubona abona haje urubyiruko rwinshi mu myigaragambyo kwamagana itegeko rigenga amafranga leta izakoresha bashaka, kwinjira mu rusengero ariko abapolisi bababera ibamba barabakumira ntibashobora kwinjira.
Umukuru w’igihugu William Ruto yahise atangaza ko agiye kwicarana n’urubyiruko rwahagurutse ngo ruharanire uburenganzira bwabo.
William Ruto yagize ati:«Turashimira urubyiruko rwacu rwahagarutse ngo rwerekane ubutwari mu kwifatira icyemezo mu bibakorerwa byose mu gihugu cyabo kandi bakabikora mu kurwanira Demokarasi mu mahoro n’umutekano. Twiyemeje gukora ibiganiro n’urubyiruko rwacu kugira ngo ibibazo mumaze mo iminsi mugaragaza bishakirwe ibisubizo.»
Urubyiruko ibihumbi n’ibihumbi rwarahagurukiye kwigaragambya mu rwego rwo kurwanya itegeko rigenga ingengo y’imari y’ amafaranga Leta izokoresha muri 2024-2025 aho iri tegeko rivuga ko kugirango ayo mafaranga aboneke hazazamurwa imisoro n’amahoro kubintu nkenerwa bya buri munsi.
Muri ibyo twavuga nk’ amavuta yo guteka, umugati, isukari, imodoka z’igenga, ibikoresho by’isuku y’abagore n’abakobwa bakoresha mu bihe bari mu mihango n’ibindi bitari bike.
Abari mu myigaragambyo barasaba inteko ishingamategeko kudatora iryo tegeko kandi bagasaba Prezida William Ruto kuva kubutegetsi.
Abarenga babiri nibo bamaze gupfira muri iyo myigaragambyo nkuko bitangazwa na umuryango uharanira uburenganzira bwa muntu Human Right Watch naho abarenga 200 barafashwe barafungwa.
Rwandatribune.com
