Abarwanyi ba CODECO bishe barashe abashinwa n’Abanyekongo barenze umwe mu gitero aba barwanyi bo mu mutwe wa CODECO bagabye ku kirombe cy’Abashinwa giherereye mu Burasirazuba bushyira amajyaruguru y’igihugu, nk’uko ibi byatangajwe n’abategetsi ba Congo ku gicamunsi cyo ku wa Kane tariki ya 04/07/2024.
Igihugu cy’u Bushinwa cyahise cyamagana iki gitero cya gabwe mu ijoro ryo ku wa Gatatu muri Teritware ya Djyungu mu Ntara ya Ituri isanzwe ikungahaye ku mabuye y’agaciro ya zahabu. Umuyobozi w’iyo Ntara, Ruphin Mapela, yavuze ko icyo gitero cyagabwe n’abarwanyi biyitirira ishyirahamwe ry’abashaka guteza imbere Congo-Codeco(Cooperative for Development of the Congo) rigizwe ahanini n’abo mu bwoko bw’Abalendu.
Guverineri w’iyi Ntara yavuze ko abakozi b’Abashinwa batandatu n’Abanyekongo babiri bari barinze ikirombe baguye muri icyo gitero. Umukozi w’umuryango utabara imbabare Croix Rouge, mu karere ka Djuga yavuze ko abo barwanyi ba CODECO basanze abo Bashinwa bacukura zahabu babamishamo urufaya rw’ amasasu.
Abapfuye bakaba barajyanywe mu buruhukiro bw’ ibitaro bya Bunia,Umuvugizi w’igisirikare muri ako karere yemeje niwe wemeje uwo mubare w’abantu bapfuye avuga ko umunyekongo umwe na batandatu mu bagabye igitero na bo bahasize ubuzima.
Nyuma leta y’u Bushinwa, ibinyujije ku muvugizi wa minisiteri w’ububanyi n’amahanga, Mao Ning, yavuze ko iki gitero cyagabwe kuri iki kigo cy’ ubucuruzi giterwa inkunga na leta y’u Bushinwa cyahitanye abaturage b’u Bushinwa benshi abandi bakaburirwa irengero.
Yavuze ko u Bushinwa burimo kuvugana na leta ya Kinshasa ngo bashakishe abakibura. Yasabye kandi ko leta ya Kinshasa gukurikirana abagabye iki gitero vuba na bwangu bagahanwa hakurikijwe amategeko, anasaba ko umutekano w’Abashinwa n’ibigo by’ubucuruzi byabo bikorera muri RDC byarushaho gucungirwa umutekano.
Rwandatribune.com
