Uwari Minisitiri w’urubyiruko mu mutwe w’ iterabwoba wa FDLR Col.NZAMBAZIMANA Juvenal Gapira uzwi ku mazina ya Jaguar yapfuye kuwa mbere azize uburwayi yatewe no ku muroga
Isoko ya Rwandatribune iri mu gace ka Hembe muri teritwari ya Masisi yavuganye na Curee Ngoma Umuvugizi wa FDLR yahamije urupfu rwa Nyakwigendera gusa Uyu Muvugizi ntiyemeje icyishe uyu munyapolitiki wari ukomeye muri FDLR.
Amasoko yacu atandakanye avuga ko uyu Col Jaguar yari amaze amezi atatu yivuza uburozi mu bavuzi gakondo, umwe mu basilikare ba FDLR utashatse ko amazine ye atangazwa avuga ko Col Jaguar yazize ivuzivuzi aho yihanukiriye akabwira Gen.Omega ko Atari akwiye kunyagirirwa mu ishyamba kandi abana be bakomeye mu Rwanda,ndetse n’umugore we akaba agenda mu modoka nziza.
Ayo magambo rero yazamuye uburakari bwinshi kuri Omega ndetse ashaka kwica Col. Jaguar ariko kubera isano ya hafi Nyakwigemdera yari afitanye na Curre Ngoma Umuvugizi wa FDLR ntibyoroheye Gen Omega kuba yamwica nibwo hatekerejwe gukoreshya amarozi.
Uburozi bwazanywe na Pasteri Busigo Umukozi wa RNC nibwo bavuga ko bwongeye kwifashishwa na Gen Omega mu kwica Col.Jaguar, bamwe mu barwanyi ba FDLR bakomeje kuvugira mu matamatama bavuga ko bakomeje guhungetwa n’uburozi buhora bugaburirwa abarwanyi bagenzi babo kandi bakaba bavuga ko uburozi bwa Busigo ntawe ubwivuza ngo abukire.
Urupfu rwa Col. Jaguar rusize icyuho muri FDLR cyane ko urubyiruko yari ashinzwe muri Diaspora rwamaze gutangira inzira yo gusaba impinduka muri uyu mutwe aho rushinja abayobozi bakuru ba FDLR kwemera impinduka bakareka abakiri bato bakayobora, ibi rero akaba ari bimwe mu bibazo byari bitegereje Col.Jaguar kugira ngo abashe guhoshya uburakari bw’abo basore barangajwe imbere na Dan Putine.
Col. NZAMBAZIMANA Juvenal aka Gapira wapfuye ni muntu ki?
Amazina ye ni bwite bi NZAMBAZIMANA Juvenal wari uzwi ku mazina ya Jaguar yavukiye mu cyahoze ari Komini Nyamutera, Perefegitura Ruhengeri mu mwaka wa 1957 akaba ari mwene se wa Cure Ngoma Umuvugizi wa FDLR, Jaguar yinjiye mu gicengezi mu mwaka wa 1998 akaba amasomo ya gisilikare yarayakoreye ahitwa ku Murama ubu ni mu murenge wa Rugera, Akarere ka Nyabihu, Intara y’uburengerazuba, muri iki gihe uyu Gapira Juvenal yari Komiseri ushinzwe urubyiruko muri FDLR akaba yari afite izindi nshingano z’ubuhuzabikorwa hagati ya FDLR na Wazalendo.
Mwizerwa Ally
Rwandatribune
