Umutwe wa M23 ukomeje kwisasira Abayobozi b’imitwe ya Mai Mai n’abarwanyi ba FDLR biyemeje gufatanya na FARDC mu kubagabaho ibitero.
Amakuru dukesha umwe basirikare ba hafi ya Gen Dominique Umuyobozi mukuru wa Mai Mai CMC Nayatura, avugako Maj Je t’aime wari wungirije Gen Kabido umuyobozi mukuru wa FPP/AP kabido , yishwe na M23 .
Aya makuru, akomeza avuga ko Maj Je t’aime yasanzwe mu mirambo yabishwe na M23 mu gace ka Bwiza ejo kuwa 30 Ukuboza 2022nyuma y’imirwano ikomeye yabahuje na M23.
uyu musilikare, yakomeje avugako Ingabo za Leta ziyobowe na Col.Niyibizi zabataye ku rugamba zigira iKichanga zisiga bavundagurana na M23,ndetse ko abarwanyi babo hamwe n’aba FDLR bagera kuri 95 bishwe na M23 , na Maj.Je t’aime wa Mai Mai FPP/AP lABIDO ahasiga ubuzima.
Yagize ati:Hari hashize iminsi twarahawe amabwiriza yo kurinda agace ka Bwiza, gaherereye muri gurupoma ya Bwito, Ako gace twakajemo turikumwe na Kompanyi ya FDLR yaturutse ikazaroho,imitwe y’Abakombata yari ihari ni Mai CMC Nyatura unite yari iyobowe na Col.Mbitezi,Mai Mai Abazungu, Apcls na FPP/AP Kabido. Haguye abarwanyi 95 ba FDLR , Mai Mai CMC Nyatura na Mar Je t’aime wa FPP/AP Kabido”
Yakomeje avuga ko ubu agace kose ka bwiza, kari kugenzurwa na M23 nyuma yo kukirukanamo FARDC,FDLR, Mai MaiCMC Nyatura n’umutwe wa FPP/AP Kabido.
isoko yamakuru ya Rwandatribune iri Bwiza, ivugako hari andi makuru yavugaga ko Col.Mbitezi wa Mai Mai CMC Nyatura yaba yakomerekeye muri iyo mirwano.
Mwizerwa Ally
