Umusirikare wa Uganda uri mubutumwa bw’amahoro muri Somaliya yivuganye bagenzi be batatu abarashe nawe ahita atabwa muri yombi.
Uyu musirikare usanzwe abarizwa mu mutwe udasanzwe w’Ingabo za Uganda, (SFC), uri mu butumwa bw’amahoro muri Somalia,yishe bagenzi be bari bafatanije umurimo cyakora bahita bamufata baramufunga kugira ngo bakomeze gukurikirana icyateye ububwicanyi.
Umuvugizi w’Ingabo za UPDF ziri muri Somalia, Capt George William Musinguzi, yemeje ko uko kurasana kwabayeho, nubwo impamvu zabyo zitaramenyekana.
Yemeje ko uwabarashe ari umusirikare witwa Corporal Simon Agaba, wahise atabwa muri yombi na bagenzi be.
Uyu musirikare biteganijwe ko agiye gukorerwa isuzuma kugira ngo hamenyekane icyaba cyihishe inyuma y’ubu bwicanyi.
Umuhoza Yves
