Kivu y’amajyepfo ni imwe mu ntara zigize uburasirazuba bwa Congo, agace kibasiwe n’imitwe y’inyeshyamba. Aha niho ingabo za Leta zemeza ko mu mwaka wa 2022 turangije baba barambuye ibirindiro bigera ku 10 imitwe y’inyeshyamba bikozwe n’abasirikare bo muri Sokola 2.
Ibi byatangajwe na Lt Marc Elongo mu nama yabereye muri Uvira kuri uyu wa 03 Mutarama, aho yavuze ko imitwe myinshi yitwaje intwaro irimo Mai-Mai Kijangala n’abafatanyabikorwa babo, umutwe witwaje intwaro wa Gumino-Twirwaneho, FNL / Burundi, Red-Tabara n’abandi bakubiswe kuburyo bagiye Kibuno mpa amaguru bagata ibirindiro byabo.
Bakomeza bavuga ko uduce twinshi two mu misozi ya Fizi, Uvira na Mwenga, cyane cyane muri Namapa, Bijabo na Shakira Koweti , aha hose ngo haba habarizwa mu maboko yabo.
Ibi ariko n’ubwo byatangajwe gutya abaturage bamwe bo mu bwoko butandukanye bubarizwa muri ibi bice bavuga ko imvururu zitigeze zihosha ndetse bakemeza ko izi ngabo zibeshya cyane.
Umuhoza Yves
