FARDC yananiwe kurwanya imitwe y’inyeshyamba yashyizwe ku mwanya wa 8 mu ngabo zikomeye muri Afurika

Umuryango utegamiye kuri Leta  ukorera muri Amerika Global Fire Powell (GFP) washyize ingabo za DRC  FARDC ku mwanya wa 8 muri Afurika ndetse no ku mwanya wa 72 ku isi yose mu ngabo zikomeye.

Izi ngabo zashyizwe kuri uyu mwanya mugihe zananiwe guhashya imitwe y’inyeshyamba yazambaguje igihugu cyabo, bakitabaza izindi nyeshyamba nabyo bikanga bikaba iby’ubusa , bikanaba ngombwa ko bitabaza abancashuro bo mu Burusiya.

Izi ngabo zashyizwe kuri uyu mwanya nyuma yo kugura indege z’intambara mu burusiya kandi zigahabwa inkunga y’ibikoresho bya Gisirikare n’igihugu cya Turukiya.

N’ubwo iki gihugu cyashyizwe ku mwanya wa 8 mu bihugu bikomeye mu bya Gisirikare muri Afurika, gihangayikishijwe n’inyeshyamba za M23 zababijije ibyuya muri Kivu y’amajyaruguru, ndetse kugeza ubu bakaba baritabaje abancashuro ngo babafashe kuzirwanya.

Umuhoza Yves