Col Aimedo, Maj Abubakal ,Capt Selekeso n’abasirikare bagera kuri 200 ba FARDC nibo bishwe na M23 mu mirwano yabereye ku musozi wa Kicwa uherereye muri Teritwari ya Rutshuru ejo kuwa 2 Gashyantare 2023.
Col Aimedo wari uyoboye imirwano muri ako gace, yishwe nyuma yo kuraswaho bombe na M23 imusanga mu birindiro bye aho yarimo ayoborera urugamba mu gace ka Kwicwa ahita ahasiga ubuzima .
Si Col Aimedo wenyine waguye muri iyo mirwano kuko yicwanye n’abari bamwungirije barimo Maj Abubakar wari ushinzwe imirwano muri iyo batayo na Capt Selekeso wari ukuriye Companyi Kiyambi.
M23 yarashe iyi mbombe muri ibi birindiro, nyuma yo kumenya ko ariho Col Aimedo n’abamwungirije barimo bayoborera urugamba rwo kumusozi wa Kicwa byaje kurangira yigaruriye uyu musizi wose.
Muri iyi mirwano itari yoroshye , M23 yishe abandi abasirikare ba FARDC bagera kuri 200 babarizwa mu mutwe w’Abakomando kabuhariwe bo muri batayo izwi nka “Anaconda” bakaba baguye ku musozi wa Kicwa ubwo bari bahanganye na M23 ku munsi wejo.
K’uruhande rwa FDLR/FOCA ,abagera kuri 20 bo mu mutwe udasanzwe uzwi nka “CRAP” bari bayobowe na Lt Noheri nabo biciwe muri iyi mirwano , ubwo barimo barwana k’uruhande rwa FARDC kuri uyu musozi uri muri Teritwari ya Rutshuru .
Umwe mu basirikare ba FARDC wabashije kurokoka , yumvikanye ku mbuga nkoranyambaga avugana amarira menshi aho yarimo avuga amagambo agira ati:
” Inaha ni ibiriyo gusa. Col Aimedo n’umwungiriza we wari ushinzwe imirwano Maj Abubakl na Capt Selekeso wari ukuriye companyi Kiyambi bishwe na M23 mu mirwano yabaye ajo kuwa Kane hagati y’isaha ya sasaba na samunani z’amanywa. Twatakaje abasirikare benshi ubu ni amarira gusa..”
Gufata umusozi wa Kicwa byahaye Umutwe wa M23 ubugenzuzi bw’umuhanda Sake-Kitshanga .
Umutwe wa M23 ,ukomeje kurwana werekeza muri Teritwari ya Masisi ari nako wibanda mu gufata utundi duce twingenzi muri Teritwari ya Rutshuru aho basirikare ba FARDC bari gupfa ku bwinshi byatumye abandi basirikare bashya ubwoba benshi bakaba batangiye gutoroka imirwano.
