Bamwe mu basirikare b’u Rwanda bitabiriye imyitoso izwi nka JA23 iri kubera muri Kenya, yitabiriwe n’Ibihugu bitanu birimo Leta Zunze Ubumwe za Amerika.
Iyi myitozo izwi nka Justified Accord, iba ngarukamwaka, yatangiye kuri uyu wa Mbere tariki 13 Gashyantare 2023, yatangijwe ku mugaragaro n’umuyobozi wa Batayo ya 27 mu ngabo zihariye za Kenya Lieutenant Colonel Peter Mwangi.
Lieutenant Colonel Peter Mwangi yavuze ko iyi myitozo izagira uruhare mu kwagura ibikorwa by’ubufatanye busanzwe buri hagati y’Ibihugu binyuranye.
Iyi myitozo ya Gisirikare yitabiriwe n’u Rwanda, Uganda, Leta Zunze Ubumwe za America, Kenya na Djibouti.
Iyi myitozo iri kubera mu ishuri rya gisirikare ryo muri Kenya ryitwa School of Infantry, Isiolo, izamara ibyumweru bibiri.
Ubwo hatangizwaga iyi myitozo kandi, hari umuyobozi wungirije ushinzwe imyitozo mu gisirikare cya USA Colonel Jasson Porter ndetse n’abahagarariye ubuyobozi bw’ibisirikare by’Ibihugu byitabiriye iyi myitozo.
RWANDATRIBUNE.COM
