Guhera murukerera rwo kuri uyu wambere ,imirwano yakomeje gufata indi ntera hagati ya M23 na FARDC ifatanyije na FDLR,Mai Mai Abazungu,Nyatura CMC,APCLS n’abacanshuro b’Ababazungu muri teritwari ya Masisi na Rutshuru mu ntara ya Kivu y’Amajyaru.
Abatuye muri ako gace, bavuga ko guhera sa kumi za mu gitondoto(05h00), FARDC n’abafatanyabikorwa bayo bazindutse bagaba ibitero ku birindiro bya M23 biherereye mu misozi ikikije Sake.
Imboni yacu iri uri Teritwari ya Masisi, ivuga ko M23 yabashije gusubiza inyuma ibi bitero ariko kugeza magingo aya rukaba rucyambikanye.
Aya makuru ,akomeza avuga ko abarwanyi ba M23 batrutse mu gace ka Kishishe ,bateye ibirindiro bya FARDC biherereye Kirima muri Gurupoma ya Mutanda,Sheferi ya Bwito werekeza mu agace ka Kibirizi.
Nyuma y’imirwano ikomeye, ubu umutwe wa M23 ugeze mu gace ka Kibingu mu birometero 5 uvuye Kibirizi, bikaba bivugwa ko M23 ishobora kurara ihigaruriye.
Ibi byatumye agace ka Bwalanda kambara ubusa, kuko abaturage bose bamaze kukavamo bahunga berekeza Kanyabayonga banyuze Kikuku na Mirangi.
Muri gurupoma ya Mufuni-Karuba na Kamuronza mu nkengero za Sake, imirwano yari yatangiye ejo ku cyumweru yakomeje kuri uyu wa mbere mu duce twa Karuba na Malehe.
Amakuru dukesha imboni yacu iri muri teritwari ya Masisi ,avuga ko FARDC yagerageje kwinjira mu gace ka Mushaki, ariko igasanga M23 yarakajije ibirindiro byayo biri muri ako gace, byatumye uyu mutwe uyisubiza inyuma .
Aya makuru akomeza avuga ko M23, ishaka gufata ibindi bice muri teritwari ya Masisi mbere y’uko umunsi yatanze wejo tariki ya 7 werurwe 2023 kuba yahagaritse imirwano ugera.
Kugeza ubu, ntiturabasha kumenya umubare wabaguye mu mirwano hagati y’impnade zombi, ariko andi amakuru akemeza ko FARDC , n’abarwanyi ba FDLR,CMC Nyatura, APCLS , Mai Mai Abazungu bamaze gupfusha abatari bake abandi barakomereka bakaba bari kujyanwa mu bitaro bizwi nka CBCA abandi bakurizwa indege bajyan kuvurirwa i Kinshasa.
Twagerageje kuvugana na Maj Willy Ngoma kugirango atubwire uko bihagaze k’uruhande rwa M23,ariko ntiyabasha kuboneka kuri telefone ye igendanwa ,kugeza ubwo twandikaka iyi nkuru.
