Umuvugizi w’ibikorwa bya Gisirikare bya FARDC byo guhashya imitwe yitwaje intwaro (bizwi nka Sokola 2), Lieutenant Colonel Ndjike Kaiko Guillaume, yerekanye ari inyeshyamba zagabye igitero ku mutwe wa M23, cyatumye imirwano yongera kubura.
Ni ifoto yacicikanye ku mbuga nkoranyambaga, aho Lieutenant Colonel Ndjike Kaiko Guillaume uvugira Sokola 2 aba ahagaze imbere y’inyeshyamba za Nyatura na Mai-Mai, agaragaza izi nyeshyamba.
Kuri uyu wa Gatatu tariki 12 Mata 2023, urugamba hagati ya M23 n’imitwe ifata FARDC rwubuye; aho byavugwaga ko FARDC n’abambari bayo ari bo bashotoye M23 yari ikomeje gushyira mu bikorwa imyanzuro yo kurekura ibice yari yarafashe.
Gusa amakuru yavaga kuri uru rugamba rwarinze rugeza mu masaha y’umugoroba rugihinanye, yavugaga ko M23 yongeye gukubita incuro abari bayigabyeho ibitero.
RWANDATRIBUNE.COM
