Mu gikorwa cyateguwe n’inzego z’iperereza muri Turikiya, umuyobozi w’umutwe wa Islamic state, Abu Hussein al-Qurayshi ngo kuri uyu wa 29 Mata yaba yaburiye ubuzima muri Syria.
Ni ibintu byatangajwe na Perezida wa Turikiya, Recep Tayyip Erdoğan, kuri uyu wa 30 Mata ubwo yemezaga ko inzego z’iperereza z’igihugu cye zivuganye uyu mugabo.
Ibi kandi byasubiwemo na AFP ubwo yatangazaga ko inzego z’umutekano ku wa Gatandatu zagose agace uyu Abu Hussein al-Qurayshi yari yihishemo, hafi y’umujyi wa Jindires wegereye umupaka wa Turikiya.
Uyu mugabo yishwe nyuma y’uko mu mwaka ushize, uwamubanjirije ku buyobozi bwa Islamic state, Abu al-Hasan al-Hashimi al-Qurayshi, yapfuye yiturikirijeho igisasu ubwo Ingabo za Amerika zari zimaze kugota aho yihishe n’umuryango we.
Bibarwa ko uyu mutwe ugifite abarwanyi bari hagati ya 6,000 na 10,000 bari mu bice bitandukanye bya Syria na Iraq, bagaba ibitero shuma ndetse bagatera ibisasu ahantu hatandukanye.
Uyu mutwe w’iterabwoba ufite abambari hafi ku isi hose kuburyo uyu mutwe uri mu iteye inkeke kurusha iyindi mitwe y’iterabwoba.
Reka yumve icyo yashakaga.