Abaturage bo mu gace ka Ruvunda na Karega, bakubiswe n’inkuba ubwo babona FARDC yerekana abaturage basanzwe bazi, ibita ko ari abarwanyi ba M23.
Kuri uyu wa Kabiri tariki 02 Gicurasi, Lt Col Guillaume Ndjike, umuvuzi wa Batayo ya 34 y’Igisirikare cya Repubulika Iharanira Demokarasi ya Congo (FARDC) yagaragaye yerekana abantu 10 avuga ko ari abawanyi ba M23.
Ni igikorwa cyabere mu Mujyi wa Goma, ariko abazi ukuri, bahise banyomoza ko aba ari abaturage atari abarwanyi ba M23, ndetse ko uburyo bagaragara byigaragaza ko ari abasivile.
Ibi kandi byanahamijwe n’abaturage bo mu bice bitumwemo n’aba baturage berekanywe ko ari abarwanyi ba M23, na bo babihami, bavuga ko bariya atari abarwanyi ahubwo ko basanzwe ari abaturage.
Aba baturage bavuga ko bariya bantu bose ari abo mu duce twa Ruvunda na Karega, bafashwe tariki 14 Mata 2023, ariko ko bakubiswe n’inkuba kubona FARDC iberekana ko ari abarwanyi ba M23 bafashwe n’iki gisirikare cya Leta.
Si rimwe cyangwa kabiri FARDC n’ubutegetsi bwa Congo buhimbye ikinyoma bakacyegeka kuri M23, dore ko banaherutse guhimba ikindi cyanditswe na kimwe nu bitangazamakuru bya propanga muri RDC, ko M23 yivuganye abaturage 60, gusa uyu mutwe ukaba warabiteye utwatsi ndetse ukanihaniza Umunyamakuru watangaje iyi nkuru.
RWANDATRIBUNE.COM
