Mu Murenge wa Rwimbogo mu Karere ka Rusizi, habonetse umurambo w’Umupolisi mu Gipolisi cy’u Rwanda, wabonetse ku muhanda.
Uyu murambo w’uyu mupolisi witwa PC Sibomana Simeon, wabonetse mu gitondo cya kare kuri uyu wa Gatanu tariki 12 Gicurasi 2023, ku muhanda uva mu mujyi wa Rusizi werecyeza mu Murenge wa Bugarama.
Umuvugizi wa Polisi mu Ntara y’Iburengerazuba, CIP Mucyo Rukundo yemereye ikinyamakuru Umuseke aya makuru ko nyakwigendera witwa PC Sibomana Simeon wabonetse kuri uyu wa Gatanu.
Yagize ati “Niyo, yitwa PC Sibomana Simeon umurambo we wabonetse mu gitondo kare mu murenge wa Rwimbogo. Ntabwo yari ari mu kazi iperereza ryatangiye ku cyaba cyateye urupfu rwe”.
CIP Mucyo Rukundo yavuze ko hahise hatangira gukorwa iperereza ku cyateye urupfu rwa nyakwigendera wari umwe mu Bapolisi b’u Rwanda.
RWANDATRIBUNE.COM
