Polisi yo mu Bufarasa yatangaje ko yataye muri yombi abagabo batatu bakekwaho gukubita Musaza w’umugore wa Perezida Emmanuel Macro.
Jean-Baptiste Trogneux , musaza wa Brigitte Macron yakubiswe ubwo yari avuye mu iduka ryabo ricuruza Chocolat mu mujyi, ubwo yari atashye agiye mu rugo.
Abagabo batatu batawe muri yombi hamwe n’umwana w’umuhungu umwe w’imyaka 16, bakekwaho kugira uruhare mu rugomo rwakorewe musaza w’umugore wa Perezida w’u Bufaransa, Brigitte Macron.
Abo bagabo batatu bakuru basabiwe kuguma muri gereza kugeza kuwa 5 Kamena ubwo urubanza rwabo ruzaba rutangiye, mu gihe uyu mwana w’imyaka 16 we azoherezwa mu rukiko ruburanisha abana.
Jean-Baptiste Trogneux w’imyaka 30 bivugwa ko yakubiswe n’abigaragambya batemeranya na politiki ya Perezida Emmanuel Macron.
Umuryango wa Brigitte Macron umaze imyaka n’imyaka ufite iduka ricuruza chocolat mu Mujyi wa Amiens rizwi nka Jean Trogneux.
Ubusanzwe uyu muryango usanzwe ucururiza hano, uyu mugabo yari avuye, ubwo rero yasohokaga mu iduka ryabo, yahise akubitana na bamwe mu bigaragambyaga baramwirukankana, bamufashe baramukubita bamuhindura intere.
Umubyeyi w’uwo mwana yatangaje ko bamuvunnye imbavu, agakomereka umutwe n’ikiganza.
Mu nkuru dukesha RFI batangaje ko abafashwe basanzwe bakekwaho ibikorwa by’urugomo. Ibintu bishobora gutuma urukiko rubakatira rwihanukiriye.
