Abantu bashika kuri 15 baguye mu gitero cyagabwe  n’umutwe w’iterabwoba wa Al Shabab  mu gace ka Badwene muri Somalia mu gitondo cyo kuwa 1 Ukuboza 2020.

Guverinoma ya Somalia ibinyujije mu biro bikuru by’umuvugizi wayo yihutiye gutangaza ko iki gitero cyahitanye ubuzima bw’abantu 15 cyagabwe n’umutwe wa Al Shabad ugendera ku matwara akomeye y’idini ya Islam.

Iki gitero bivugwa ko cyagabwe ku birindiro by’ingabo za Somaliya mu gace ka Ba’adweyene. Mu bapfuye harimo abasirikare 4 ba Somalia n’abasivili babakoranabushake 11.

Minisiteri y’itangazamakuru kandi yavuze ko muri iki gitero  , haguyemo abarwanyi ba Al Shabab 51 , abandi bagera kur 6 bafatwa mpiri.

Kuwa Kabiri Al Shabab yitangarije yo ubwayo ko yashenye ibyo birindiro bya Gisirikare ikicamo ingabo za Somalia zigera 53 ikanabohoza imodoka z’intambara n’intwaro z’abasirikare ba Leta.

Agace k’umujyi wa Ba’adweyene kari mu birometero 200 uvuye ku murwa mukuru w’intara ya Galkayo.