Abanyamerika babiri bari barafashwe bugwate n’umutwe w’iterabwoba wa Hamas barekuwe nyuma y’ibiganiro byagizwemo uruhare na Leta ya Qatar, aho uvuga ko byakozwe mu kugaragaza ko ubuyobozi bwa Biden bwibeshya
Umuvugizi w’uyu mutwe, Abu Obaida, yatangaje ko aba banyamerika babiri barekuwe “bishingiye ku muhate wa Qatar”. Itangazo ryashyizwe hanze rivuga ko “Bridage yitwa Al-Qassam yarekuye Abanyamerika babiri ku mpamvu z’ubutabazi”.
Obaida yavuze ko byakozwe mu kugaragaza ko ibivugwa n’Abanyamerika kuri uyu mutwe hamwe n’Isi muri rusange, by’umwihariko ibivugwa na Biden hamwe n’ubuyobozi bwe ari ibintu bidafite inshingiro kandi by’ibinyoma.
Ntabwo uyu mutwe wigeze uvuga ibyo unenga Biden, ariko hari hashize iminsi mike Biden avuze ko abarwanyi b’uyu mutwe bakoze amabi arenze kure ayakozwe na Islamic State.
Uwineza Adeline
Rwandatribune. Com
