Mu itangazo ryashyizweho umukono n’umuvugizi akaba n’umuhuzabikorwa wa Twirwaneho Kamasa Ndakize Welcome, yavuze ko igisirikare cya Congo FARDC cyateguye ubwicanyi ku bwoko bw’abanyamurenge ndetse bakabitangaza mu nama yakozwe na Batayoya 12 kuri uyu 01 Ukwakira 2023.
Muri iyi nama Jenerali Andre Ehonzawo muri FARDC yatangaje ko abagize ubwoko bw’abashi ndetse n’Ababembe bose batuye mubice by’I Mulenge kuhava bakerekeza ahandi kuko abanyamulenge bagiye guhabwa isomo.
Uyu mu Jenerali yatangaje ko Twirwaneho n’abanyamulenge bagomba guhabwa isomo bituma nabo batangira gutabaza ndetse bavuga y’uko igisirikare cya Congo cyabateguriye Jenoside.
Ku mugoroba wo kuwa 01 Ukwakira bikavugwa ko uwitwa Nduwayo Ndege yahise yicwa ku itegeko rya Jenerali Andre Ehonzawo.
Uyu mu Jenerali kandi akaba yarasabye abasirikare be bose bari bafite abagore cyangwa abana ko bagomba kuhabakura bose.
Turacyashakisha uburyo twavugana n’umuhuzabikorwa wa Twirwaneho akaba n’umuhuzabikorwa w’Abanyamulenge ngo tumubaze kuri ibi bintu, nitumubona tuzabibagezaho.
Umuhoza Yves
Rwanda Tribune
