Abarwanyi babiri ba FDLR biciwe mu gitero bagabye ku barinzi ba Pariki ya Virunga kuwa Mbere tariki ya 21Gashyantare 2022 .
Nkuko itangazo rwasohowe n’urwego rw’igihugu rushinzwe amapariki ICCN , ngo aba barwanyi ba FDLR bishwe ubwo bagabaga igico ku barinzi ba Pariki bari bari ku burinzi mu duce twa Mabenga na Kasali.
Bagize bati” Umwe mu barinzi bacu yakomerekeye bikomeye muri iyi mirwano, Abarwanyi babiri bikekwako ari aba FDLR bagabye iki gitero bishwe , naho umwe afatwa mpiri. Hari n’imbunda yo mu bwoko bwa AKA 47 y’aba barwanyi yafashwe”
FDLR yaherukaga kugab igitero ku barinzi ba Pariki ya Virunga muri Mata 2020 , aho yishe abarinzi b’iyi pariki bagera kuri 12 mu Ntara ya Kivu y’Amajyaruguru.
Umutwe wa FDLR ugizwe n’Abanyarwanda basize bagize uruhare muri Jenoside yakorewe Abatutsi mu Rwanda, umaze imyaka ikabakaba 28 ukorera mu burasirazuba bwa Congo. Mu mwaka 2019, uwari umuyobozi w’uyu mutwe Lt Gen Mudacumura Sylvestre yiciwe mu gitero gitunguranye yagabweho n’umutwe udasanzwe w’ingabo za Congo umusanze mu birindiro bye i Paris muri Teritwari ya Rutshuru.
