Haravugwa agahenge mu bice by’imisozi miremire bya Minembwe mu Ntara ya Kivu y’Epfo, ahari hamaze iminsi hari ubushyamirane hagati y’abasirikare b’igisirikare cya Repubulika Iharanira Demokarasi ya Congo (FARDC), nyuma yuko Komanda wa Burigade ya 12, ya Bukavu, Gen André Ehonza, agarutse.
Aka gahenge kagarutse mu bice by’imisozi miremiremire byo muri Teritwari ya Fizi, kemejwe na Perezida w’imiryango itegamiye kuri leta yo muri aka gace, Saint Cadet Ruvuza Rubib, wavuze ko aka gahenge kabonetse kuva ku wa Kabiri tariki 02 Gicurasi 2023.
Yagize ati “Kuva General André Ehonza yagera, hamaze kugaruka umwuka mwiza hagati y’abasirikare n’abasivili, kubera ko iki cyizere cyari cyatakaye burundu. Ntibikiriho gutotezwa n’abasirikare byibasira abasivili. Abantu batangiye urujya n’uruza mu bwisanzure muri Minembwe. Bajya ku isoko bagataha bitinze nimugoroba.”
Yishimiye ko abantu bava muri Minembwe berekeza Mikenge, urugero, abasivili bagenda bonyine badaherekejwe n’abasirikare.
Byongeye kandi, akomeza avuga ko hari hasanzweho ibiganiro n’ibiganiro hagati y’abanyamuryango batandukanye bibera muri ako karere.
Amakimbirane hagati y’abasivili n’abasirikare mu mujyi wa Uvira yatangiriye ku mirwano yabaye mu ijoro ryo ku wa 05 Werurwe.
Nk’uko byatangajwe n’umuhuzabikorwa wa komite y’urubyiruko yo mu mijyi, Chako Changu Ebambe, ngo byose byatangiriye mu karere ka Kakombe ubwo umusirikare ukekwaho gushaka kwiba inzu yafashwe n’abashinzwe umutekano bato bari bahatuye. Agerageza gutoroka yihuta, umusirikare yarashe kuri uru rubyiruko, ahitana umwe muri bo ahita apfa.
Abandi basore bahise bafata uwo musirikare baramukubita, bamugira intere kuko bari bamukomerekeje akaza no kujyanwa mu bitaro.
RWANDATRIBUNE.COM
