Ibihugu nka Misiri, Qatar na Leta Zunze Ubumwe z’ Amerika birasaba umutwe wa Hamas ko amahoro yiminsi ine yongerwa mu rwego rwo gukomeza guhererekanya imfungwa.
Hagati aho, abandi banya-Israel benshi bafashwe bugwate n’imfungwa z’Abanyapalestine bagomba kurekurwa kuri uyu wa mbere, ku munsi wanyuma w’agahenge ka mbere k’iminsi ine.
Minisitiri wa Israel Benjamin Netanyahu, ageza ijambo ku ngabo za Israeli ziri mu ntara ya Gaza, we yavuze ko ntakizababuza gukomeza ibitero yemwe na nyuma y’agahenge.
Yababwiye kandi Joe Biden ashobora kongera amasezerano y’agahenge ku munsi umwe kuri buri zindi 10 zafunzwe.
Ku Cyumweru, Abanya-Israel 14 n’abandi banyamahanga 3 bafashwe na Hamas bararekuwe Israel na yo irekura Abanyapalestine 39.
Abanya-Gaza bagiye bakoresha iki gihe cy’agahenge mu gushaka ibikoresho bikenerwa cyane bya lisansi, ibiryo n’imiti.
Ibitero bya Hamas mu majyepfo ya Israel byo ku itariki ya 7 Ukwakira byahitanye abantu 1.200, abagera kuri 240 bajyanwa bugwate.
Kuva icyo gihe, minisiteri y’ubuzima muri Gaza ivuga ko abantu barenga 14.854 aribo bamaze kuhatakariza ubuzima mu bikorwa byo kwihorera bya Israel.
RAFIKI Karimu
Rwandatribune.com
