Leta zunze ubumwe za Amerika zashyizeho akayabo ka miliyoni 5 z’amadorari ku muntu wese watanga amakuru aganisha ku ifatwa rya Joseph Kony washinze akanayobora inyeshyamba za Lord Resistance Army zarwanyaga ubutegetsi bwa Uganda.
Uretse Leta zunze ubumwe za Amerika Joseph Kony anashakishwa n’urukiko mpuzamahanga mpanabyaha, aho akurikiranweho ibyaha by’intambara n’ibyibasiye inyokomuntu byakozwe n’inyeshyamba za Lord Resistance Army.
Amakuru aheruka kugaragaza aho Joseph Kony ashobora kuba aherereye avuga ko, uyu ,mugabo ashobora kuba yihishe mu mashyamba ari hagati ya Repubulika iharanira Demokarasi ya Congo, Centrafrique na Sudan y’Epfo.
Joseph Kony mu byaha ashinjwa harimo gushimuta abana bagera ku 112 ibyaha bivugwa ko byakozwe mu mwaka 2018. Nyuma y’ishimutwa ry’aba bana bivugwa ko abagera kuri 49 muri bo baburiwe irengero bikekwako bamwe bishwe abandi bakinjizwa mu gisirikare cye ari nako abakobwa muri bo bakoreshwa ubucakara bw’imibonano mpuzabitsina.
