Majoro Willy Ngoma uvugira igisirikare cya ARC gishamikiye kuri M23, yavuze ko akurikije uko FARDC ibarwanya asanga yarabibeshyeho cyane ari nayo mpamvu asanga idashobora kubatsinda na rimwe.
Ibi yabigarutseho mu kiganiro yagiranye na Radio Gakondo ivugira mu mujyi wa Rutshuru,Mu ntara ya Kivu y’Amajyaruguru aho yabazwaga aho imirwano ibahanganishije na FARDC igeze magingo aya.
Majoro Ngoma avuga ko uburyo FARDC itegura ibikorwa byo kubarwanya ,ibikora isa n’iyikinira. Yagize ati:”Batwibeshyeho cyane, twe ntituri nk’imitwe y’aba Mai Mai barasa imbunda iremereye bagahita bahunga bose twe turi igisirikare cy’umwuga nk’uko mu bibona”.
Majoro Willy Ngoma yavuze ko FARDC ishaka kubuza umutekano w’abaturage batuye mu bice yafashe, ari nayo mpamvu bahisemo kubakurikira aho bahungiye hose ngo babigize inyuma.
Abajijwe niba hari intwaro za FARDC, M23 yaba yaramaze kwigarurira, Majoro Ngoma avuga ko zihari nyinshi ndetse ngo bakomeje kubakurikira aho bahungira hose ari nako bagenda babambura izindi mbunda zikajya mu maboko ya FARDC.
Majoro Ngoma avuga ko bazakomeza gucunga umutekano w’abaturage batuye mu bice bigarurira, ndetse anaboneraho kubwira FARDC ko igihe cyose ishatse kubatera igomba kubanza yatekereza kabiri kuko bo bakora nk’igisirikare gikomeye gifite amabwiriza kigenderaho.
