Beni: Inyeshamba za ADF zishe abantu 8 zishimuta umubare utaramenyekana

Mu majyaruguru ashyira uburasirazuba bwa Repuburika Iharanira  Demokarasi ya C ongo,mu mujyi wa Beni  inyeshyamba  ziyitirira  umutwe wa ADF( Allied Democratic Forces) m umpera z’icyumweru gishize bagabye igitero mu mujyi wa Beni  bica abantu umunani(8) abandi benshi barashimutwa.

Nk’uko byemezwa n’abategetsi ba Beni bavuze ko ababarwanyi  ba ADF bateye mu mujyi wa Beni ho muri Kivu y’Amajyaruguru bica abantu bashimuta n’abahinzi benshi ,ubu bakaba batazi aho babajyanye.

Umukuru wa sosiyetre sivile Kinos Katuo, yavuze ko mu ijoro ryo kuwa Gatanu rishyira kuwa Gatandatu izi nyeshyamba zagabye ibitero muduce twa Mbingi na Mapesana bahica abantu bane (4)bishwe barashwe banatwika amapikipiki  umunani ndetse n’amazu atari makeya.

Yakomeje avuga ko kuri icyi cyumweru  inyeshyamba za ADF zongeye kugaba igitero  hafi y’ahitwa Mangazi,ariko ingabo za reta zibakoma mu nkokora ndetse zihitana umwe muri izo nyeshyamba.

Amakuru ava mu gisirikari cya Congo aremeza ko izonyeshyamba zahunze zerekeza mu bice bya Matekerambi na Mabua zihica abantu bane zishimuta n’abatari bake.

Umukuru w’umugi wa Oicha uhegereye,Nicolas Kikuku,yavuze ko ntagushidikanya abo barwanyi bari aho hafi muri ako karere,agasaba ingabo za leta kubaba hafi. Mu kwitegura ko zongera kugaba ibindi bitero

Louis Marie M