Imirwano imaze iminsi ihanganishije umutwe w’inyeshyamba wa M23 n’ingabo za Leta FARDC ikomeje guhindura isura umunsi k’uwundi, dore ko nyuma y’uko inyeshyamba zibumbiye mu kiswe wazalendo zigaragaje ko zafashe ibice byinshi, ubu Nyatura yatangiye kwinjira mu gace ka Kibumba.
Aya makuru avuga ku kwinjira muri aka gace ku izi nyeshyamba zibumbiye mu kiswe Wazalendo,yatangajwe kuri uyu wa 10 Ukwakira nyuma y’uko hagaragaye umurongo muremure w’Abasirikare bo muri izi nyeshyamba bari bari kwinjira mu gace ka Kibumba.
Ibi byatumye ababonye izi nyeshyamba batangira gukeka ko uyu mutwe w’inyeshyamba wa ,M23 waba waragambaniwe n’izi ngabo z’umuryango w’Afurika y’Iburasirazuba, ngo kuko n’aho ingabo zo muri uyu muryango zikomoka mu gihugu cy’u Burundi zari ziherereye naho ingabo za Leta hamwe n’abo bafatanije bahinjiye muri ubwo buryo.
Icyakora ibi ntarwego narumwe rwari rwabyemeza, gusa nk’uko isoko ya Rwanda Tribune iri mu gace ka Kibumba ibitangaza ngo kuva mu gitondo kugeza mu masaha ya saa sita izi nyeshyamba zari zikiri kwinjira muri aka gace.
Umuhoza Yves
Rwanda Tribune
