Imirwano ikomeye iri kubera Tchanzu na Bukima ,akaba ari igitero cyoherejwemo abasirikare ba FARDC bagera ku bihumbi 5 .
Isoko y’amakuru ya Rwandatribune dukesha amakuru ivuga ko mu rukerera rwo kuri uyu wa kabiri tariki 28 Kamena 2022, ingabo za Leta FARDC zibifashijwemo na FDLR, abarwanyi bayobowe na Lt Col Malius batangije imirwano mu bice bya Tchanzu ni muri gurupoma ya Jomba.
Umuturage utuye Rwankuba witwa Nyirakaraza yabwiye Rwandatribune ko abaturage bo muri ako gace bararanye ubwoba kubera urujya nuruza rw’Ingabo za FARDC, FDLR na Mai Mai bakomeje koherezwa ku bwinshi muri ibyo bice.
Andi makuru avuga ko abarwanyi ba FDLR babarizwa muri Batayo CRAP yitwa Abazungu bakuriwe na Major Inkodosi bateye ahitwa Bukima ku birindiro bya M23,ibisasu bikaba bikomeje gusukwa mu misozi ya Tchanzu na Runyoni.
Ntiharamenyekana Ababa baguye muri iyi mirwano cyangwa ngo bakomereke twashatse kumenya icyo umutwe wa M23 ubivugaho duhamagara Major Willy Ngoma ntibyakunda kugeza ubwo twandikaga iyi nkuru.
Mwizerwa Ally
