Hari umunyagihugu yaba i GIHANGA Komine GIHANGA Intara ya Bubanza, yanyurujwe n’abantu bataramenyekana mw’ijoro ryo ku munsi wa gatatu igenekerezo rya 17/04/2024.
Uwo yanyurujwe akaba Yitwa Gahungu Guillaume, bakaba bamunyuruje bamusanze ku rugo iwe, nk’igihe c’isaha zibiri n’igice zijoro.
Abamutwaye baje bafise imodoka yo mubwoko bwa Toyota Hilux double cabine ifise ibiyo bitabona eka idafise nibiyiranga (voiture Toyota Hilux double cabine sans immatriculation à vitre teintée).
Abamufashe baciye bamwuriza iyo modoka,bamuboshe amaguru n’amaboko, bamukubita buyoka, eka agenda aboroga inzira yose.
Ababonye ivyabaye, baragize ubwoba, bihweje ingene yatwawe, imodoka yiruka, ifata ibarabara yerekeza mu Gisagara ca Bujumbura..
Kuva ico gihe afashwe ku munsi wa gatatu igenerekerezo rya 17/04/2024, Umuryango wiwe ukaba utaramenya agakuru kaho uwabo afungiwe, gushika iyi saha twandika iyi nkuru, kuri uno wa gatanu igenekerezo rya 19/04/2024.
Umuryango wiwe incuti abagenzi barasaba bashimitse ko uwabo atokwicwa canke ngo aborezwe igufa nkuko bisanzwe bimenyerewe iyo umuntu anyurujwe n’abantu bambaye imyambaro ya Polisi batazwi
NKKUNDWA Desire
Rwandatribune.com
