Hari umunyagihugu wo muri Komine Matongo Intara ya Kayanza, yanyurujwe n’Abapolisi ku munsi w’ejo igenekerezo rya 15/04/2024 igihe ca 18h30mn bamusanze ku rugo iwe. Uwo nawe akaba Yitwa Niyonkuru Malachie, afise imyaka mirongo ibiri nitandatu (26ans).
Abamunyuruje bamusanze kurugo iwe,ruri ku gacimbiri Nyakarambo Umutumba Gasare Komine Matongo Intara ya Kayanza. Niyonkuru Malachie akaba yubatse, afise umugore n’umwana umwe.
Igihe abo ba polisi bamutwara, ntakintu nakimwe bigeze bashima kubwira Umuryango wiwe, ukaba waragerageje kubabaza, ariko ntaco bashimye kubabwira.
Umuryango wiwe wazindutse uno munsi igenekerezo rya 16/04/2024, uja kurondera uwabo mu busho butandukanye, banatabaza inzego z’ubuyobozi, ariko gushika iyi saha bakaba bataramenya uwabo ahari..
Umuryango wiwe ukaba ufise ubwoba bwinshi cane ko uwabo ashobora kugandagurwa bunyamaswa n’abantu ba Polisi, nk’uko bimaze iminsi bishikira abandi banyurujwe muri ubwo buryo.
Desire NKUNDWA
Rwandatribune.com
