Mu Burundi hari umuganga yitwa docteur Patrick Bitangamutwenzi yanyurujwe n’abantu bataramenyekana ku munsi wejo igenekerezo rya 20/ 03/2024 igihe cisaha zatanu n’igice z’agatondo mu gisagara ca Bujumbura.
Uwo muganga akaba yari umuhinga mu bijanye no kuvura ingwara z’abana (docteur spécialiste en pédiatrie) akaba ataniminsi yariheze aronse iyo mpamya bushobozi
Docteur Patrick akaba yafashwe ari muri Taxi avuye aho yakorera kuri polyclinique Maison médicale iri muri zone bwiza mugisagara ca Bujumbura yerekeza aho afise ivuriro ryiwe riri muri zone rohero avenue kunkiko.
Abaje kumufata bari bafise imodoka yo mubwoko bwa Toyota Hilux ifise iparati D3980A iza yiruka ica imbere yaya Taxi docteur Patrick yarimwo iyikupa priorité. Bamufatiye imbere yikigo c’ishure citwa saint Michel Archange..
Iyo modoka Toyota Hilux yavuyemwo abantu batanu harimwo naba polisi, bamukura muri taxi baraterura bakubita,baterera mumodoka yabo bagenda biruka.
Umuryango wa muganga Patrick bitangumutwenzi ukaba ufise ubwoba budasanzwe ko uwabo ashobora kwicwa ugwagashinyaguro nkuko bimaze iminsi bikorerwa abafashwe murubwo buryo, akarorero ka hafi n’akejo kumunsi wagatatu igenekerezo rya 20/ 03/2024 hatowe ikiziga cuwundi yaheruka kunyuruzwa murubwo buryo.
Nkundwa Desire
Rwandatribune.com
