Umunyagihugu yitwa Nestor Ntawunkiza avuka muri Komine Mutambu Intara ya Bujumbura rural yaranyurujwe n’abantu bataramenyekana kwigenekerezo rya 16/03/2024.
Uwo munyagihugu akaba yarasanzwe aba muri Karatiye Ruziba Zone Kanyosha mu gisagara ca Bujumbura.
Akaba yarasanzwe akora imirimo yo kunguruza abantu mugisagara ca Bujumbura akoresheje imodoka yo mu bwoko bwa Probox ifise ibiyiranga #I5976A .
Abamunyuruje bamufatiye muri Zone Rohero Avenue Mwaro mu gisagara ca Bujumbura igihe cisaha zitanu n’igice z’agatondo (11h30mn).
Umukenyezi wiwe akaba atumenyesha ko umugabo wiwe yavuye muhira amubwira ko agiye muri Zone Rohero gutanga dosiye yiwe aho ariko asaba akazi,, imbere y’uko aja mu mirimo yiwe ya minsi yose…
Ariko guhera mu masahindwi zo ku murango (13h) akaba yaragerageje kumurondera kuri Téléphone, ariko igasona ntihagire uwitaba., munyuma nk’igihe cisaha ya Saacenda (15h) Téléphone bari bamaze kuyizimya.
Umukenyezi wiwe yagumye agerageza kurondera uwiwe, munyuma niho yaronka amakuru avuga ko umugabo wiwe yanyurujwe n’abantu bambaye imyambaro ya Polisi muri Zone Rohero..
Yaciye atabaza incuti abagenzi eka ubuyobozi na Polisi kugira bamufashe kurondera umugabo wiwe aho yoba afungiwe ariko gushika iyi saha twandika iyi nkuru akaba atarashobora kumenya aho umugabo wiwe Nestor ari..
Umuryango wiwe ukaba utekewe n’ubwoba bwinshi ko uwabo ashobora kugiriwa n’abi gutotezwa canke kwicwa ugwagashinyaguro nkuko bisanzwe bimenyerewe iyo umuntu anyurujwe muri ubwo buryo.
Nkundwa Desire
Rwandatribune.com
