Kuri uyu wa Kane tariki ya 11 werurwe 2021, mu rugo rw’umuturage witwa Mitima Joseph, utuye Ku musozi wa Ruheru , zone Kiniga , komine ya Bugabira mu Ntara ya Kirundo, mu isakwa ryateguwe n’inzego z’umutekano zifatanije n’ubuyobozi muri uru rugo bahasanze imirambo 4 yangiritse , hanatorwa indangamuntu 2 z’u Rwanda bikekwako 2 muri iyo mirambo ari iy’Abanyarwanda.
Muri iyo mirambo yashengutse , inzego z’umutekano zabashije kumenyamo ibiri , muri uru rugo kandi hasanzwe ibikoresho bitandukanye harimo impapuro 2 z’ubuguzi za moto , amafoto 2 magufi , indangamuntu 2 z’Abanyarwanda n’imwe y’indundi, imigozi bikekwa ko yanigishijwe aba Bantu , imitako y’abagore n’imwenda y’ubwoko butandukanye.
Abayoboye Intara ya Kirundo bahise bafata uyu mugabo Mitima Joseph ukekwaho ubwicanyi ajyanwa gukorwaho iperereza ,
Amakuru Rwandatribune ikesha RPA avuga ko bagiye no gukora iperereza aho uyu mugabo yahoze atuye mbere y’uko yimukira aha hasanzwe iyi mirambo ngo barebe nib anta bandi bantu yaba yarahiciye
Nkundiye Eric Bertrand
