Umusirikare umwe wa FARDC n’abasivili 11 nibo bishwe n’abarwanyi b’umutwe wa CODECO mu bitero wagabye mu giturage gituwe n’abo mu bwoko bw’aba-Hema mu ijoro ryo kuri uyu wa Kane rishyira uwa Gatanu tariki ya 25 Werurwe 2022.
AFP yatangaje ko ibitero bya CODECO byibasiye cyane agace ka Lop ka Teritwari ya Djugu. Ibi kandi byanashimangiwe Dr Jean Katabuka uyobora ibitaro bya Bunia mu Ntara ya Ituri mu kiganiro yahaye AFP.
Abaturage bo mu gace ka Tshitsho, batangaje ko abaturage 11 bishwe na CODECO aria bo mu bwoko bw’aba-Hema bufatwa nk’ubuhora buhanganye n’aba Lendu, aho bose wasangaga batemaguwe abandi barashwe amasasu y’imbunda nto.
Umuvugizi wa FARDC muri Teritwari ya Djugu, Lt. Jules Ngongo yahamije aya makuru , avuga ko ubu bwicanyi bwaberete mu gace ka Tshotsho nko mu birometero 30 uvuye mu mujyi wa Bunia.
Umutwe wa CODECO ugizwe nabo mu bwoko bw’aba Lendu, aho uvuga ko ugamije kurinda abo muri ubu bwoko bakunze kwibasirwa n’abo bita abanzi babo bo mu bwoko bw’aba Hema.
Twabibutsa kandi uyu mutwe ariwo uherutse gushimuta intumwa zari zoherejwe na Perezida Tshisekedi mu biganiro bigamije kugarura amahoro kuwa 16 Gashyantare 2022.
