Leta ya Repubulika Iharanira Demokarasi ya Congo yatangaje ko yohereje mu Rwanda abayobozi bakuru b’umutwe w’iterabwoba wa FLN barimo Capt Jean Marie Vianney Rusine na Col.Habiyaremye Jean Irombe baherutse gufatwa n’ingabo z’iki gihugu, FARDC.
Capt Rusine Jean Marie Vianney wahoze mu Ngabo z’u Rwanda, RDF na mugenzi we bafashwe ku wa 7 Mutarama binyuze mu bikorwa by’umutwe udasanzwe w’Ingabo za Congo uzwi nka Hibou Special Forces.
Rusine yinjiye muri FLN mu 2018 nyuma yo kwirukanwa mu Ngabo z’u Rwanda kubera guhamwa n’ibyaha by’ubujura, Yirukanwa yari afite ipeti rya Lieutenant,ariko abandi bakavuga ko yarari umusilikare muto muri RDF.
Capt Rusine yahise ajya mu nkambi ya Nakivale ho muri Uganda,akabayaraje kwinjizwa mu mutwe wa FLN na Nsabimana Callixte Sankara aho yagiye nk’uharagarariye ishyaka rya RRM,Capt Rusine akaba yarakunzwe gutanga ibiganiro kuri Radio Ubwiyunge ya CNRD ubwiyunge ahamagarira abanyarwanda gukuraho Leta iriho,ndetse no kuza mu mutwe w’iterabwoba wa FLN.
Mwizerwa Ally
