Col. Rukunda Michel (Makanika) yanyomoje amakuru yavugaga ko arimo gukusanya abarwanya bazafasha Joseph Kabila wahoze ayobora Repubulika iharanira Demokarasi ya Congo mu guhirika ubutegetsi bwa Perezida uriho Felix Tshisekedi bihereye mu burasirazuba bwa Congo.
Mu nkuru ya Rwandatribune.com yo kuwa 21 Mutama 2021yagira iti”https://rwandatribune.com/uwahoze-ari-perezida-joseph-kabila-yaba-ari-gutegura-intambara-muri-kivu-yamajyepfo/” Hagaragayemo ko Col. Makanika na mugenzi we S/Lt Nyamurasa(wiyita Col) bari gukusanya ingaho ziturutse muri Teritwari ya Masisi bakazihuriza i Kaziba,aho bazitoreza kurwanya ubutegetsi buriho bwa Perezida Tshisekedi nyuma bakazagororerwa ko Minembwe yaba igihugu cyigenga.
Kuri uyu wa Gatanu tariki ya 22 Mutama 2021 , Rwandatribune.com yagiranye ikiniro na Col. Rukunda Micheal (Makanika) wahise ahakana ibimuvugwaho byose , ndetse anemeza ko we n’abaturage ba Minembwe(Abanyamulenge)badashobora kwihuza na Joseph Kabila cyane ko urugomo n’ubwicanyi bukorerwa Abanyamulenge byatangiye igiye Perezida Joseph Kabila yari akiri umukuru w’igihugu.
Yagize ati”Ntabwo turwanya ubutegetsi bwa Tshisekedi,ntaho duhuriye na Kabila kuko ibidukorerwa byose byatangiye kungoma ye ntanakimwe yakoze ngo abihagarike” .
Col Makanika yashimangiye ko ibyo bo bakora ari ukwirwanaho no gutabaza leta ngo ibarengere ndetse inagire uruhare mu guhagarika ubwicanyi bukomeje kubakorerwa.Ati”Ubu twirwanaho tunatabaza Reta ngo iturengere ,iturinde twoye kwichwa leta irebera”
Col. Makanika yunzemo ko ubwicanyi bubakorerwa ntaho butaniye na Jenoside, yamagana abo aribo bose bakomeje gushaka kubahuza n’igisa na politiki cyose , Ati:” Kuduhuza na politiki ni ukuduhemukira ndetse no gupfobya Jenoside irimo kudukorerwa.
Col. Makanika yashoje yibutsa ko Ubwoko bw’Abanyamulenge bwatangiye kwicwa no kwibasirwa muri Bijombo kuwa 1 Mata 2017, aho batwikiwe bakananyagwa inka zigera ku 240,000. Ibi bikaba byari ibikorwa byose bemeza ko byakozwe n’ingabo za Repubulika iharanira Demokarasi ya Congo FARDC zari ziyobowe n’umugaba w’ikirenga akaba na Perezida wa Repubulika Joseph Kabila
Ildephonse Dusabe
