Mu ntara ya Kivu y’Amajyepfo, muri teritwari ya Minembwe ihuriro ry’imitwe yitwaje intwaro y’Abanyamulenge irangajwe imbere na Col Makanika, (Ngumino na Twirwaneho), yishyize hamwe itera ibirindiro bya fardc, igisirikari cya leta.
Iki gitero cyatangiye kuri uyu wa Gatandatu ahagana saa kumi n’ imwe za mu gitondo. Ihuriro ry’imitwe y’Abanyamulenge (Twirwaneho na Ngumino ) bakaba bateye ibirindiro biri hafi y’ isanteri ya Minembwe bya FARDC mu buryo bukurikiranye. Kugeza i saa mbiri zo muri iki gitondo, imirwano yari igikomeza.
Ibyerekeranye n’ imibare y’ abapfuye cyangwa abakomerekeye muri iyo mirwano ntibyari byatangazwa. Iri huriro rirwana rivuga ko rirengera bumwe mu moko atuye aka gace(Abanayamulenge). Inshuro nyinshi, igisirikari cya leta cyagiye gitakaza abantu bacyo mu bitero n’ imitego y’ iyi mitwe.
Ariko nk’ uko umuvugizi wa Operasiyo Socola 2 Capt Dieudonne Kasereka abivuga, ingabo za leta ntizizava ku nshingano yazo yo kurinda abaturage n’ ibyabo.
