Kuwa Gatandatu tariki ya 12 Kamena 2021 abarwanyi b’umutwe wa CODECO bateze igico imodoka ya FARDC yarimo Col n’umuryango we .
Ni igico aba barwanyi bategeye mu gace ka Guu kari hagati ya Lita na Saliboko muri Teritwari ya Djugu .
Uyu musirikare mukuru bivugwa ko yapfanye n’umugore we , umwana we n’abasirikare bari 2 bari bamurinze.
Abatuye mu gace ibi byabereyemo bavuze ko Col Guy Kolongo yarashwe ubwo we n’umugore we bari bavanye umwana wabo wari urwaye ku bitaro bya Lita .
Kugeza ubu ingabo za Congo ntacyo ziratangaza kuri iki gitero cyagabwe muri imwe mu ntara [Ituri] iri mu bihe bidasanzwe yashyizwemo na perezida Tshisekedi.
N’ubwo muri Ituri umutekano wakajijwe , abarwanyi b’imitwe yitwaje intwaro ihakorera nabo bakomeje ibikorwa byabo nk’aho muri Teritwari ya Irumu na Djugu abarenga ijana bamaze kwicwa kuva mu ntangiriro za Gicurasi uyu mwaka.
