Intambara imaze iminsi ihanganishije umutwe w’inyeshyamba wa M23 na FARDC hamwe n’abo bafatanije muri iyi ntambara, barimo Abacanshuro b’abazungu, Wazalendo,ihuriro ry’imitwe y’inyeshyamba irimo FDLR, Nyatura Abazungu, APCLS n’indi mitwe itandukanye bakigera I Kitshanga uyu mu Colonel yigambye ko bagomba gufata Kigali none yasize ubuzima aho atararenga umutaru.
Coloner Efface wari usanzwe abarizwa muri Hibu Special Force, ubwo babyinaga bageze I Ktshanga yari yatangaje ko nta gahunda bafite yo gusubira inyuma batageze I Kigali, imvugo ikunze kuranga aba barwanyi bo muri Wazalendo kuko amabwiriza bafite ari ayo kurwanya M23 bagakomereza mu Rwanda kugira ngo bafashe FDLR gufata Kigali.
Ibi ariko n’ubwo yabivugaga byaje guhinduka nk’umugani, ubwo bari bagabye igitero mu gace ka Bwiza,kuko atabashije kuharenga, bityo inzozi ze zirangirira aho.
Uyu mu sirikare ntiyagiye wenyine kuko Col Tigo yatakaje I Koyi yose, hanyuma Gen Mutayomba nawe yatakaje aba Escorte be bose siwe gusa kuko Col Muyaga yabonye bikomeye afata abasirikare bari basigaye atitaye ku bakomeretse arahunga ndetse yemeza ko buri wese agomba gukiza amagara ye bitaba ibyo bikamureba.
Ibi n’ubwo bimeze gutyo intambara yo irakomeje n’ubwo bigaragara ko Abazalendo bo bamaze kuzura ubwoba, ndetse bikaba bigaragara ko na FARDC yamaze gucika integer.
Umuhoza Yves
Rwanda Tribune
