Banki y’isi yashyikirije abayobozi ba Congo toni 105 z’imiti, hasubijwe icyifuzo cy’umuhuzabikorwa w’ibihe byihutirwa by’ubuzima rusange (COUSP) cyo kurwanya icyorezo cya mpox muri DRC.
Iyi nkunga Ikaba izafasha abarwayi barenga 15.000 mu ntara 11, ni ukuvuga abarenga 80% by’abantu babaruwe ko bafite icyo kibazo.
Uko guhererekana kwakoze ku wa kane, tariki 29 Kanama 2024 i Kinshasa, na Dr. Michel Muvudi, uhagarariye umuyobozi ushinzwe ibikorwa bya Banki y’isi muri DRC.
Dr Michel Muvudi yagize ati: “Iyi ntwererano izatangwa ku barwayi barenga 15.000, bazi ko dufite, kuva umwaka watangira, dufite abantu barenga 18.000. Ibi bivuze ko bizaba bikubiyemo abarwayi hafi ya bose dufite ubu.
Ibi Kandi bizafasha kuvura indwara zirenga 80% zanduye kugeza ubu , nk’uko byatangajwe na Minisitiri w’ubuzima, Muganga Roger Kamba.
Muganga Roger Kamba Yibukije ko gusuzuma no kwemeza ko abantu barwaye indwara ya mpox ari ubuntu.
Yongeyeho ati: “Nk’uko twahisemo ko kuvura abarwayi ba monkeypox bigomba kuba ari ubuntu, ibikoresho byo kuvura dufite hano bireba abarwayi hafi ya bose, kandi ndashimira inkunga ya Banki y’isi, ariko kandi n’abafatanyabikorwa bose, Kubera ko hari no gusuzuma no gukumira bigomba gukorwa”.
Ku ya 29 Kanama, umuyobozi w’umuryango wabibumbye wita k’ubuzima ku isi (OMS), Tedros Adhanom Ghebreyesus, wakiriwe na Perezida wa Repubulika, Félix-Antoine Tshisekedi, yijeje ko ikigo cye, kimwe n’abandi bafatanyabikorwa, bafatanya mu gutera inkunga Repubulika Iharanira Demokarasi ya Congo ndetse n’ibihugu byibasiwe n’iki cyorezo.
Yemeje ko bazakomeza kugeza muri Repubulika Iharanira Demokarasi ya Congo inkingo zirwanya indwara ya mpox. Dr. Tedros Adhanom yagize ati: “Nijeje Perezida wa Repubulika ko ibintu byihuta cyane kandi gutanga inkingo bibaye vuba bishoboka nk’uko radio okapi ibitangaza”.
Abashinzwe iby’ubuzima bakaba bashishikariza abantu kugira isuku bakaraba intoki kenshi, kudakoraa imioao mpuzaitsia ‘ ao atashakaye ndetse no kwirinda kurya inyama z’inyamaswa n’ ibindi.
Icyitegetse Florentine
Rwanda tribune.com
